साताऱ्यात बंद पत्र्याच्या घरात
सिलिंडरचा भीषण स्फोट
सुदैवाने जीवितहानी टळली
संतोष शिराळे, सातारा :
सातारा शहरातील मंगळवार पेठ परिसरातील पावर हाऊसजवळील संत कबीर सोसायटी येथे बंद असलेल्या पत्र्याच्या घरात गॅस सिलिंडरचा भीषण स्फोट झाल्याने परिसरात एकच खळबळ उडाली. स्फोटाचा आवाज दूरपर्यंत ऐकू गेल्याने नागरिकांनी घटनास्थळी धाव घेतली.
प्राथमिक माहितीनुसार, यवतेश्वरकडे जाणाऱ्या रस्त्यावरील पावर हाऊसजवळील घर बंद असताना हा स्फोट झाला. स्फोटामुळे घराचे मोठे नुकसान झाले असून परिसरात काही काळ भीतीचे वातावरण निर्माण झाले. मात्र, घर बंद असल्यामुळे सुदैवाने कोणतीही जीवितहानी अथवा दुखापत झाली नाही.
घटनेची माहिती मिळताच संबंधित यंत्रणा घटनास्थळी दाखल झाली असून स्फोटाचे नेमके कारण शोधण्याचे काम सुरू आहे. या घटनेमुळे परिसरातील नागरिकांमध्ये काही काळ घबराट पसरली होती.
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!