ज्येष्ठ पत्रकार मधु नेने यांचे
हृदयविकाराने निधन
वाई | प्रतिनिधी
वाई अर्बन बँकेचे निवृत्त अधिकारी, ज्येष्ठ पत्रकार, सामाजिक कार्यकर्ते व प्रख्यात लेखक मधुसूदन दिनानाथ नेने उर्फ मधु नेने (वय ७४) यांचे गुरुवारी दुपारी हृदयविकाराच्या तीव्र झटक्याने निधन झाले. त्यांच्या निधनाने पत्रकारिता, सहकार, साहित्य व सामाजिक क्षेत्रात मोठी पोकळी निर्माण झाली आहे.
सहकार, बँकिंग आणि संत साहित्याचे गाढे अभ्यासक म्हणून मधु नेने यांची विशेष ओळख होती. विविध वृत्तपत्रे व नियतकालिकांतून त्यांनी सातत्याने अभ्यासपूर्ण लेखन केले. ते ‘सज्जनगड’ मासिकाचे संपादक म्हणून कार्यरत होते. वाई अर्बन बँक, लोकमान्य टिळक ग्रंथ संग्रहालय, वसंत व्याख्यानमाला, प्राज्ञ पाठशाळा, मराठी विश्वकोश तसेच विविध सामाजिक-सांस्कृतिक संस्थांशी त्यांचा निकटचा संबंध होता.
मकरंद पत्रकार प्रतिष्ठान व वाई तालुका मराठी पत्रकार संघाच्या माध्यमातून त्यांनी पत्रकारांना मार्गदर्शन केले. त्यांच्या पश्चात पत्नी, एक मुलगा व एक मुलगी असा परिवार आहे. त्यांच्या निधनाचे वृत्त समजताच विविध क्षेत्रातील मान्यवर व नागरिकांनी भावपूर्ण श्रद्धांजली अर्पण केली.
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!