महाबळेश्वरमध्ये
दाट धुक्याची चादर
कोयना धरण क्षेत्रात पावसाचा जोर कायम
धरणातील उपयुक्त साठा 8.85 टीएमसी
संतोष शिराळे, सातारा |
सह्याद्रीच्या पाणलोट क्षेत्रात पावसाची संततधार सुरू असून कोयना धरणात पाण्याची आवक कायम आहे. २४ जून २०२६ रोजी सायंकाळी ५ वाजेपर्यंतच्या आकडेवारीनुसार कोयना धरणाची पाणीपातळी ६२१.६१४ मीटर (२०३९.०५ फूट) इतकी नोंदविण्यात आली आहे. धरणातील एकूण पाणीसाठा १३.९७ टीएमसी (१३.२७ टक्के) तर उपयुक्त पाणीसाठा ८.८५ टीएमसी (८.८३ टक्के) इतका झाला आहे.
धरण क्षेत्रात सध्या २,३७७ क्युसेक पाण्याची आवक सुरू असून कोयना जलविद्युत प्रकल्पातून ५२५ क्युसेक पाण्याचा विसर्ग सुरू आहे. नदीपात्रात कोणताही अतिरिक्त विसर्ग नसल्याने एकूण विसर्ग ५२५ क्युसेक इतकाच आहे. पर्जन्यमानाच्या आकडेवारीनुसार गेल्या २४ तासांत कोयना येथे १० मिमी, नवजा येथे १५ मिमी तर महाबळेश्वर येथे १४ मिमी पावसाची नोंद झाली आहे. हंगामातील एकूण पाऊस अनुक्रमे १४० मिमी, २१४ मिमी आणि १९३ मिमी इतका झाला आहे.
दरम्यान, महाबळेश्वर हवामान केंद्राच्या नोंदीनुसार दिवसभर परिसरावर दाट धुक्याचे आवरण पसरले होते. येथे कमाल तापमान १९.२ अंश सेल्सिअस, सापेक्ष आर्द्रता १०० टक्के नोंदली गेली असून सकाळी ८.३० ते सायंकाळी ५.३० या कालावधीत १६.४ मिमी पावसाची नोंद झाली आहे. दाट धुके आणि पावसामुळे दृश्यमानता कमी झाल्याने वाहनचालकांना सावधगिरी बाळगण्याचे आवाहन करण्यात आले आहे.
सातारा शहरातही वातावरण ढगाळ व वाऱ्याचे राहिले. कमाल तापमान २८.४ अंश सेल्सिअस, सापेक्ष आर्द्रता ७० टक्के नोंदली गेली असून दिवसभरात ०.२ मिमी पाऊस झाला. हवामान विभागाने पुढील काही दिवस सातारा जिल्हा, महाबळेश्वर आणि कोयना पाणलोट क्षेत्रात मध्यम ते जोरदार पावसाचा अंदाज व्यक्त केला असून त्यामुळे कोयना धरणातील पाणीसाठ्यात आणखी वाढ होण्याची शक्यता आहे.
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!