सातारा हिल हाफ
मॅरेथॉनमध्ये दुर्घटना
६० वर्षीय धावपटूची प्रकृती गंभीर
पल्स हॉस्पिटलमध्ये उपचार सुरू
सातारा | प्रतिनिधी
आज पार पडलेल्या प्रसिद्ध 'सातारा हिल हाफ मॅरेथॉन' दरम्यान एक धक्कादायक घटना समोर आली आहे. मॅरेथॉनमध्ये सहभागी झालेले ज्येष्ठ धावपटू संजय शामराव कदम (वय ६० ते ६४) यांची प्रकृती अचानक खालावल्याने त्यांना तातडीने रुग्णालयात दाखल करण्यात आले आहे.
मिळालेल्या माहितीनुसार, संजय कदम यांनी मॅरेथॉनचे पूर्ण अंतर यशस्वीरीत्या पार केले होते. मात्र, परतत असताना सातारा नगरपालिकेच्या परिसरात त्यांना अचानक तीव्र दम लागला व ते चक्कर येऊन खाली कोसळले. घटनेचे गांभीर्य ओळखून मॅरेथॉनच्या मेडिकल टीमने तात्काळ रेस्क्यू ऑपरेशन राबवत त्यांना प्राथमिक उपचार देऊन पल्स हॉस्पिटलमध्ये हलवले.
सध्या डॉक्टरांचे पथक त्यांच्यावर उपचार करत असून त्यांची प्रकृती गंभीर असल्याचे सांगण्यात येत आहे. या घटनेमुळे मॅरेथॉन प्रेमींमध्ये आणि नागरिक वर्गात काळजीचे वातावरण पसरले आहे.
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!