तासवडे - कराड टोलनाक्यावर
संशयास्पद वाहनांमधून
१५ लाख रुपये जप्त
निवडणुकीच्या पार्श्वभूमीवर सातारा पोलिसांची धडाकेबाज कारवाई
सातारा : विधानसभा निवडणुकीची रणधुमाळी सुरू झाली असून आता धुरळा उडायला सुरुवात झाली आहे, असे असतानाच आज तासवडे-कराड टोलनाक्यावर तळबीड पोलिसांनी विशेष कारवाई करत जीपमधून १५ लाख रुपये जप्त केले. निवडणुकीच्या पार्श्वभूमीवर पोलिसांकडून जिल्ह्यात नाक्यांवर ठिकठिकाणी पथके निर्माण करून तपास सुरू ठेवला आहे. आज पहाटे एक ते चार वाजण्याच्या दरम्यान कराडहून साताराकडे जाणाऱ्या महिंद्रा बोलेरो वाहनाचा संशय पोलिसांना आल्याने त्यांनी तपासणी केल्या असता या वाहनात १५ लाख रोख रक्कम मिळून आली. तळबीड पोलिसांची ही धडक कारवाई केली. या कारवाईत दोघांना ताब्यात घेण्यात आले असल्याचे समजते. तीन-चार दिवसांपूर्वी पुण्याहून सांगोलाला जाणाऱ्या एका वाहनाची खेड-शिवापूर टोल नाक्यावर झडती घेतली असता पाच कोटी रुपये मिळून आले होते. ही कारवाई ताजी असतानाच आज तासवडे -कराड टोल नाक्यावर ही कारवाई करण्यात आली आहे. त्यामुळे राजकीय क्षेत्रात मोठीच खळबळ उडाल्याची चर्चा सुरू आहे. ही रक्कम नेमकी कोणाची याबाबत अद्याप तपास सुरू आहे.
याबाबत पोलिसांनी सांगितले की, विधानसभा निवडणूक अनुषंगाने तासवडे टोलनाका येथे तळबीड पोलीस ठाण्याद्वारे एक पथक नियुक्त करण्यात आले आहे. हे पथक २४ तास कार्यरत असून संशयास्पद वाहनांवर नजर ठेवून आहे. यात निवडणुकीमध्ये पैशाचा वारेमाप वापर होऊ नये. तो रोखण्यासाठी ही पदके निर्माण केली असून आज पहाटेच तळबीड पोलिसांकडून विशेष कारवाई करण्यात आली. आज २६ ऑक्टोबर २०२५ रोजी पहाटे एक ते चारदरम्यान कराडहून साताऱ्याकडे जाणाऱ्या महिंद्रा बोलेरो (वाहन क्रमांक जीजे २७- ईई ८७३८) ही गाडी पोलिसांना संशयास्पद स्थितीत आढळल्यामुळे पहाटे अडीच वाजता थांबवून तपासणी केली. त्यावेळी साड्या, साहित्य असल्याचे प्रथमदर्शनी सांगण्यात आले. मात्र, पोलीस तपासणी करत असताना वाहनामध्ये १५ लाख रुपयांची रोख रक्कम मिळून आली. त्यानंतर अतिदक्षता म्हणून पोलिसांनी वाहन व रोख रक्कम तात्काळ तळबीड पोलीस ठाण्याच्या सीसीटीव्ही कॅमेऱ्याच्या निगरानीखाली सुरक्षित ठेवण्यात आली. या कारवाईचा सविस्तर अहवाल तयार करण्यात आला आहे. पुढील तपासासाठी वाहन आणि रोख रक्कम जप्त करण्यात आली आहे. याप्रकरणी दोघांना ताब्यात घेण्यात आले असल्याचे पोलिसांनी सांगितले.
गुजरात राज्याचे पासिंग असलेली ही महिंद्रा बोलेरो वाहनातून एवढी मोठी रक्कम कुठून आली व ती कोणाकडे जाणार होती, याचा तपास पोलीस घेत आहेत. निवडणूक प्रोटोकॉलच्या पार्श्वभूमीवर पुढील तपासणीसाठी लिंकचा शोध घेण्यात येत आहे, असे पोलिसांनी सांगितले. निवडणूक भरारी पथकाच्या समोर पंचनामा करून ही रक्कम इन्कम टॅक्सकडे वर्ग करण्यात येणार आहे, असे पोलिसांनी सांगितले. सातारा पोलीस अधिक्षक समीर शेख, अपर पोलीस अधिक्षक डॉ. वैशाली कडुकर यांच्या मार्गदर्शनाखाली तळबीड पोलीस ठाण्याचे एपीआय किरण भोसले अधिक तपास करत आहेत.
.jpeg)
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!