प्रेमप्रकरणाबाबत बदनामी
केल्याच्या संशयावरून एकाचा
आदर्की खुर्द येथे खून
सातारा : आदर्की खुर्द ( ता. फलटण) गावच्या हद्दीत बदनामी केल्याच्या संशयातून दोघांनी एकावर कोयत्याने वार करत खून केल्याची घटना घडली आहे. रत्नशिव संभाजी निंबाळकर (रा. आदर्की खुर्द) असे खून झालेल्या व्यक्तीचे नाव आहे. याप्रकरणी दोघांवर लोणंद पोलिस ठाण्यात गुन्हा दाखल केला आहे. याप्रकरणी एकास अटक करण्यात आली आहे. दत्तात्रेय उर्फ काका व्यंकट निंबाळकर, विनोद महादेव राक्षे (दोघेही रा. आदर्की खुर्द) अशी गुन्हा दाखल झालेल्यांची नावे आहेत. यातील विनोद राक्षेला अटक केली आहे. याप्रकरणी कमलेश संभाजी निंबाळकर यांनी फिर्याद दिली आहे.
या घटनेबाबत लोणंद पोलिसांनी सांगितले की, आदर्की खुर्द (ता. फलटण) गावच्या हद्दीत असणाऱ्या आदर्की बुद्रुक ते आदर्की खुर्द रस्त्यावर राजेंद्र भालेराव जाधव यांचे बांधकाम सुरू असलेल्या घरासमोर बुधवारी (१२ मार्च) रत्नशिव संभाजी निंबाळकर हे आपल्या एक्टिव्हा (एमएच ४७ व्ही ५४९) या गाडीवरून निघाले होते. दत्तात्रय उर्फ काका व्यंकट निंबाळकर (रा. आदर्की खुर्द, ता. फलटण) याने त्यांच्या प्रेमप्रकरणाबाबत गावात भाऊ रत्नशिव निंबाळकर याने बदनामी केली आहे, असा संशय घेऊन त्याचा राग मनात धरून विनोद राक्षे (रा. आदर्की खुर्द, ता. फलटण) याच्याशी संगनमत करून भावाचा खून करण्याच्या उद्देशाने ईर्टीका (एमएच २६ बी एक्स ६५४६) कारने भावाच्या गाडीला पाठीमागून जोराची धडक दिली. भाऊ रत्नशिव खाली पडल्यावर त्यास विनोद महादेव राक्षे याने धरले व दत्तात्रय उर्फ काका निंबाळकर याने कोयत्याने भावाच्या हातावर डोक्यात वार करून त्यास गंभीर जखमी करून खून केला.
या घटनेनंतर उपविभागीय पोलीस अधिकारी राहुल धस, सहायक पोलीस निरीक्षक सुशील भोसले यांनी घटनास्थळी भेट दिली. या प्रकरणी लोणंद पोलीस ठाण्यात विनोद महादेव राक्षे, दत्तात्रय उर्फ काका व्यंकट निंबाळकर (दोघे रा. आदर्की खुर्द ता. फलटण) यांच्यावर गुन्हा दाखल करण्यात आला आहे. याबाबतची फिर्याद कमलेश संभाजी निंबाळकर यांनी लोणंद पोलीस ठाण्यात दिली आहे. याप्रकरणी लोणंद पोलिसांनी विनोद महादेव राक्षे यास अटक केली आहे, तर अन्य एक संशयित आरोपी फरार आहे. राक्षे याला न्यायालयासमोर हजर केले असता पोलिस कोठडी सुनावण्यात आली आहे. या घटनेचा अधिक तपास सहाय्यक पोलीस निरीक्षक सुशील भोसले हे करत आहेत.
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!