किसन वीर व खंडाळा साखर
कारखान्याचे ऊस बिल जमा
१६ कोटी ७६ लाख शेतकऱ्यांच्या खात्यावर वर्ग
सातारा : किसन वीर व खंडाळा कारखान्याकडे १ ते १५ डिसेंबरपर्यंत गळितास आलेल्या उसाच्या बिलाची रक्कम प्रति मेट्रिक टन ३ हजार रुपयांप्रमाणे १६ कोटी ७६ लाख ८१२ एवढी रक्कम संबंधित ऊस उत्पादक सभासद व बिगर सभासदांच्या बँक खात्यावर जमा करण्यात आल्याची माहिती किसन वीर कारखान्याचे व्हाईस चेअरमन प्रमोद शिंदे यांनी माहितीपत्रकाद्वारे दिली आहे.
पत्रकात म्हटले आहे, की कारखान्याचे चेअरमन आमदार मकरंदआबा पाटील यांनी सुतोवाच केल्याप्रमाणे नुकतीच नोव्हेंबर महिन्याची बिलेही आपण शेतकऱ्यांच्या खात्यावर जमा केलेली आहेत. आज (दि. १३) डिसेंबरमध्ये १ ते १५ या कालावधीत गाळपास आलेल्या उसाचे बिल १६ कोटी ७६ लाख ८१२ रुपये ऊस उत्पादकांच्या खात्यावर वर्ग केलेले आहेत. साखरेच्या भावामध्ये चढ-उतार तसेच साखरेस उठाव नसल्याने आपल्या संचालक मंडळास बिले देण्यास विलंब होत आहे. उर्वरित पंधरवड्यांची बिलेही लवकरात लवकर जमा करणार आहे. सभासदांनी आतापर्यंत जो संयम व विश्वास संचालक मंडळावर दाखविला आहे, त्याबद्दल संचालक मंडळाच्यावतीने आभार श्री. शिंदे यांनी मानले आहेत.
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!