बंगळूरमध्ये पत्नीचा खून; मुंबईकडे पळून जाताना विष प्राशन करून पतीचा आत्महत्येचा प्रयत्न

 

बंगळूरमध्ये पत्नीचा खून;

मुंबईकडे पळून जाताना 

विष प्राशन करून

पतीचा आत्महत्येचा प्रयत्न

शिरवळ पोलिसांनी संशयित आरोपीस घेतले ताब्यात

सातारा : मुंबईत येथून एक महिन्यापूर्वी बंगळूर - कर्नाटक येथे राहण्यासाठी पत्नी गौरीसह गेलेल्या पत्नी राकेश याने हिची चाकूने भोसकून फोन केला. ही घटना बुधवारी घडली. पत्नी गौरीची चाकूने भोसकून खून केल्यानंतर तिचा मृतदेह सुटकेसमध्ये भरून तो बथरूममध्ये ठेवून मुंबईच्या दिशेने पळून निघालेल्या संशयित आरोपी राकेश खेडेकर याला शिरवळ पोलिसांनी गुरुवारी रात्री बारा वाजण्याच्या सुमारास ताब्यात घेतले. यावेळी विषारी औषध पिऊन आत्महत्या करण्याच्या विचारात असलेल्या राकेशला शिरवळ पोलिसांनी पुण्यातील ससून रुग्णालयात उपचारासाठी दाखल केले. त्यानंतर बंगळूर पोलिसांच्या त्याला ताब्यात घेतले. पत्नीचा खून केल्यानंतर पती राकेशने स्वतः विष प्राशन करून जीवन संपवण्याचा प्रयत्न केला होता.

याबाबत पोलिसांनी सांगितले की, राकेश राजेंद्र खेडेकर (वय 35, रा. जोगेश्वरी मुंबई) हा मुंबई येथून बेंगलोर येथे फेब्रुवारी 25 मध्ये आपली पत्नी सौ. गौरी (वय 32) हिच्यासह बनारगट्टा तेजस्विनीनगर, बेंगलोर येथे राहू लागले. राकेश हा वर्क फ्रॉम होम करीत असून त्याची पत्नी गौरी जॉब शोधत होती. दि. 26 मार्च 2025 चे रात्री राकेश याच्याकडे पत्नी सौ. गौरी हिने पुन्हा मुंबईला जाण्याचा आग्रह धरला. या कारणाने त्यांच्यात वाद होऊन पत्नी गौरी ही घरातील भांडी आपटू लागली. तेव्हा पती राकेश याने आपण आता राहत असलेल्या रूमचे डिपॉझिट भरलेले आहे. आपण जर रूम सोडली तर डिपॉझिटचे पैसे मिळणार नाहीत व येथे येण्यासाठी खूप खर्च झाला आहे, असे तिला समजावीत होता. तरीही गौरी ही त्याचे ऐकत नसल्यामुळे कारणाने वाद होऊन शेवटी गौरी हिने घरातील चाकू घेऊन राकेशला मारण्याची भीती दाखवली. त्याचा राग राकेशला आल्याने राकेशने तिच्या हातातील चाकू घेऊन गौरीच्या मानेवर, गळ्यावर, पाठीवर चाकूने वार केले. गौरी जखमी अवस्थेत घराच्या लॉबीमध्ये निपचिप पडली. त्यानंतर राकेशला ती मयत झाल्याची खात्री झाली. 

त्यानंतर राकेशने घरातील मोठी बॅग रिकामी करून त्यात गौरीचे मृतदेह ठेवून बॅगेची चेन लावली व ती बॅग राकेशने घरातील बाथरूम बाहेर नेऊन ठेवली. त्यानंतर दि. 27 मार्च 2025 चे रात्र बारा वाजताच्यादरम्यान राकेशने साहित्य सोबत घेऊन त्याच्या मालकीची होंडा सिटी कार घेऊन जोगेश्वरी मुंबई येथे जाण्यासाठी बेंगलोर येथून निघाला. पत्नीचा खून केल्यामुळे राकेशला टेन्शन आले होते. त्याने महाराष्ट्रातील कागल या गावी आल्यावर एका मेडिकल दुकानांमधून हार्पिक सनीफीनाईल व झुरळ मारण्याचे औषध घेऊन कोल्हापूर-कराड येथे प्रवास करीत असताना राकेशने त्याच्या बेंगलोर येथील इमारतीमधील खालचे मजल्यावर राहणाऱ्या व्यक्तीला फोन करून त्याने पत्नीच्या खुनाबाबत व बॅगेत तिला ठेवलेची माहिती दिली. त्यानंतर पुढे खंडाळा घाट उतरल्यावर शिरवळ येथील निप्रो कंपनीजवळ हायवे रोडवर राकेश कार घेऊन आला. त्याला केलेल्या खुनाचे टेन्शन आल्याने त्याने विकत घेतलेले सर्व कीटकनाशक व औषधे एकत्र करून पिले. त्याचा त्याला त्रास होऊ लागल्याने राकेश कारमधून बाहेर येऊन रस्त्यावर बसला. 

राकेश याला पाहून एका मोटारसायकलस्वाराने राकेशला पाहून त्याची विचारपूस केली असता त्याने फिनाईल पिल्याचे सांगितल्याने दुचाकीस्वाराने त्याला तात्काळ त्याच्या कारमधून शिरवळ येथील जोगळेकर हॉस्पिटलमध्ये उपचारासाठी आणले. त्या ठिकाणी अगोदरच हजर असलेले शिरवळ पोलीस ठाण्याचे पोलीस हवालदार कुंभार यांनी राकेशकडे काय झाले? याबाबत विचारणा केली असता राकेशने त्याचे पत्नीच्या खून केला असल्याबाबतची माहिती सांगितली.

याबाबत शिरवळ पोलीस ठाण्याचे पोलीस निरीक्षक यशवंत नलावडे यांनी जोगळेकर हॉस्पिटलमधून आवश्यक माहिती घेऊन पोलीस अधीक्षक श्री. समीर शेख यांना ही माहिती दिली. पोलीस अधीक्षक यांनी तात्काळ बेंगलोर येथे संपर्क करून गौरीचे खुनाबाबत खात्री केली. तसेच तेथील संबंधित वरिष्ठ अधिकारी पोलीस ठाण्याचे इन्चार्ज व इतर संबंधितांचे फोन नंबर पोलीस निरीक्षक नलावडे यांना देऊन पुढील तपास करण्याच्या सूचना दिल्या. 

याबाबत अप्पर पोलीस अधीक्षक श्रीमती वैशाली कडूकर, पोलीस उपविभागीय अधिकारी फलटण विभाग फलटण श्री राहुल धस यांना माहिती दिली. वरिष्ठांच्या सूचनेनुसार पुढील कारवाई करून राकेशचे नातेवाईक व बेंगलोर येथील पोलीस अधिकाऱ्यांची संपर्क करून त्यांना संशयित आरोपी व उपचाराबाबतची माहिती दिली. राकेशला अधिक उपचाराची गरज असल्याने त्याला तात्काळ पोलिसांनी भारतीय विद्यापीठ हॉस्पिटल व त्यानंतर ससून हॉस्पिटल पुणे येथे उपचारासाठी दाखल केले. आज पहाटे बेंगलोर येथील संबंधित पोलीस ठाण्याचे अधिकारी ससून हॉस्पिटल येथे पोहोचले असून, त्यांनी आरोपीकडे विचारपूस सुरू केली आहे. आरोपी हा पळून जाण्याचे व विषारी कीटकनाशके पिऊन आत्महत्या करण्याच्या प्रयत्नात होता. परंतु, त्याला नागरिक व पोलिसांनी तात्काळ दवाखान्यात दाखल करून अधिक उपचारासाठी पुणे येथे वरिष्ठांचे मार्गदर्शनाप्रमाणे तात्काळ रवाना केले.

ही कामगिरी ही पोलीस अधीक्षक समीर शेख, अप्पर पोलीस अधीक्षक डॉ. वैशाली कडूकर, उपविभागीय पोलीस अधिकारी राहुल धस यांच्या मार्गदर्शनाखाली शिरवळ पोलीस ठाण्याचे पोलीस निरीक्षक यशवंत कृष्णा नलावडे, पोलीस हवालदार कुंभार, नलावडे, धुमाळ, मोहरे पोलीस शिपाई दीपक पाले पवार व होमगार्ड या टीमने पार पाडली आहे.