महाराष्ट्रात डिजिटल मीडियाला लाभलंय राजा माने यांच्या रूपाने सक्षम नेतृत्व
कोल्हापूर जिल्हाध्यक्ष भाऊसाहेब फास्के
डिजिटल मीडिया संपादक पत्रकार संघटनेची हातकणंगले तालुका कार्यकारिणी जाहीर
हातकणंगले : महाराष्ट्रातील डिजिटल मीडिया क्षेत्रातील पत्रकारांसाठी ज्येष्ठ संपादक, माध्यमतज्ज्ञ राजा माने यांच्या रूपाने सक्षम नेतृत्व लाभले आहे. त्यांच्या सततच्या पाठपुराव्यामुळे महाराष्ट्र सरकारकडून नजिकच्या काळात डिजिटल मीडिया धोरण जाहीर होऊन डिजिटल माध्यमाला शासन मान्यता मिळेल, असा विश्वास डिजिटल मीडिया संपादक पत्रकार संघटनेचे कोल्हापूर जिल्हाध्यक्ष भाऊसाहेब फास्के यांनी व्यक्त केला.
डिजिटल मीडिया संपादक पत्रकार संघटनेची हातकणंगले तालुका कार्यकारिणी निवडीसाठी येथे आयोजित पत्रकारांच्या बैठकीत प्रमुख मार्गदर्शक म्हणून ते बोलत होते. यावेळी त्यांनी तालुका कार्यकारिणीसह इतर पदाधिकाऱ्यांच्या निवडी जाहीर केल्या. तालुकाध्यक्षपदी कीर्तिराज जाधव, तर तालुका उपाध्यक्षपदी राजू म्हेत्रे कार्यरत असून तालुका सचिव म्हणून संभाजी चौगुले, संपर्कप्रमुख म्हणून विनोद शिंगे तर खजिनदार म्हणून उत्तम हुजरे यांना निवडपत्रे प्रदान करण्यात आली. कोल्हापूर जिल्हा संघटक म्हणून अनिल उपाध्ये यांची तर जिल्हा कार्यकारिणी सदस्यपदी सागर बाणदार यांची निवड करण्यात आली.
राजकीय विश्लेषक राजा माने यांच्या नेतृत्वाखालील डिजिटल मीडिया संपादक पत्रकार संघटना महाराष्ट्रभर विस्तारली असल्याचे नमूद करुन श्री. फास्के यांनी सहा एप्रिल रोजी सावंतवाडी येथे होणाऱ्या संघटनेच्या तिसऱ्या राज्यस्तरीय अधिवेशनाची सविस्तर माहिती दिली. डिजिटल मीडिया क्षेत्रातील संपादक पत्रकारांनी संघटनेचे सभासद होवून अधिवेशनास मोठ्या संख्येने उपस्थित राहावे, असे आवाहन त्यांनी केले.
जिल्हा संघटक अनिल उपाध्ये, तालुका संपर्कप्रमुख विनोद शिंगे यांनी पत्रकारांच्या प्रश्नांचा उहापोह करतानाच डिजिटल मीडियातील पत्रकारांनी संघटित होण्याची गरज विशद केली. जिल्हा सचिव संजय सुतार, रसूल जमादार यांनी संघटनेच्या वाटचालीचा आढावा घेतला. इचलकरंजी शहराध्यक्ष सलीम संजापुरे यांनीही मनोगत व्यक्त केले.
स्वागत व प्रास्ताविक तालुकाध्यक्ष कीर्तिराज जाधव यांनी केले, तर उपाध्यक्ष राजू म्हेत्रे यांनी आभार मानले. बैठकीस इचलकरंजी शहर उपाध्यक्ष विजय तोडकर, रामनाथ डेंगळे, रणधीर नवनाळे, बबन शिंदे, शहाहुसेन मुल्ला, निहाल ढालाईत, सुहास मुरतूले, मुबारक शेख, भरत शिंदे, किशोर जासूद, सचिन लोंढे, समीर पेंढारी, ओंकार बडवे, आप्पासाहेब भोसले यांच्यासह पत्रकार उपस्थित होते.
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!