फळांचे गाव धुमाळवाडी प्रतिकृती
स्टॉलला कृषिमंत्री माणिकराव
कोकाटे यांची सदिच्छा भेट
फलटण : कृषि विभागामार्फत विभागीय कृषी सहसंचालक कोल्हापूर विभाग कोल्हापूर यांच्या वतीने सातारा सांगली, कोल्हापूर येथील शेतकरी संवाद चर्चासत्र व नावीन्य पूर्ण बाब म्हणून कृषी प्रदर्शनमध्ये ११ स्टॉलचे आयोजन करण्यात आले होते.
यावेळी महाराष्ट्र राज्यातील पहिले फळांचे गाव म्हणून महाराष्ट्र शासन कृषी विभागामार्फत घोषित करण्यात आलेले फलटणपासून २० किलो १८ किलोमीटर अंतरावर असलेले फलटणच्या दक्षिण दिशेला असलेल्या गावात १९ प्रकारची फळे सलग व ६ प्रकारची फळं झाडे बांधावर अशी एकूण २६ प्रकारचे फळझाडे लागवड या ठिकाणी केलेले आहेत. याची सविस्तर माहिती देणारे प्लेक्सद्वारे स्टॉल तयार करण्यात आली होती, तसेच स्टॉलमध्ये शेतकऱ्यानी पिकविलेल्या फळांच्या टोकरी ठेवण्यात आले होते.
कृषिमंत्री माणिकराव कोकाटे यांची फळांचे गाव धुमाळवाडी प्रतिकृती स्टॉलला भेटी प्रसंगी कृषिमंत्री यांनी विविध फळ पिकाची माहिती जाणून घेतली. महेंद्र धुमाळ, सुशील फडतरे, दत्तात्रय धुमाळ, समीर पवार, त्रिंबक फडतरे यांनी माहिती ही दिली. यावेळी कृषिसेवा रत्न सचिन जाधव यांनी गावात कृषि विभाग रबविण्यात येत असलेले फळबाग लागवडचे विविध उपक्रमाबाबत माहिती दिली.
फळांचे गाव धुमाळवाडी इतर गावांसाठी आदर्श असल्याचे कृषिमंत्री माणिकराव कोकाटे यांनी सांगितले. भेटीदरम्यान शेतकऱ्यांनी लागवड केलेल्या विविध फळ पिकांविषयी माहिती घेऊन तसेच फळं उत्पादनाबाबत तसेच कष्ट व परिश्रमाच्या जोरावर फळबाग लागवड करून एक आदर्श निर्माण इतर गावांसाठी केल्याची सांगून शेतकऱ्यांचे व कृषि विभागाचे कौतूक केले.
यावेळी प्रधान सचिव कृषि विकास चंद्र रस्तोगी, विभागीय कृषि सहसंचालक कोल्हापूर उमेश पाटील, जिल्हा अधीक्षक कृषी अधिकारी सातारा भाग्यश्री फरांदे, उपविभागीय कृषी अधिकारी फलटण खलीद मोमीन, तालुका कृषी अधिकारी फलटण दत्तात्रय गायकवाड तसेच सातारा सांगली, कोल्हापूर विभागचे अधिकारी उपस्थित होते.
.jpeg)
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!