कामगार विभागाच्या उपसंचालकाला
१७ हजारांची लाच घेताना
रंगेहात पकडले
सातारा : कामगारांच्या वैद्यकीय तपासणी बिलाच्या रकमेसाठी तीस टक्क्यानुसार प्रमाणक शल्यचिकित्सकाकडून १७ हजार रुपयांची लाच घेताना पुण्याच्या औद्योगिक सुरक्षा व आरोग्य संचालनालयातील कामगार विभागाच्या उपसंचालकाला सातारा लाचलुचपत प्रतिबंधक विभागाने रंगेहात पकडले. नंदकिशोर आबासाहेब देशमुख असे संशयिताचे नाव आहे.
या प्रकरणातील तक्रारदार हे प्रमाणक शल्यचिकित्सक आहेत. त्यांनी सातारा एमआयडीसीतील दोन कंपन्यांमधील कामगारांची वैद्यकीय तपासणी केली होती. त्याचे एकूण बिल ५८ हजार ४०० रुपये झाले होते. बिलाच्या ३० टक्के प्रमाणे १७ रुपयांची मागणी लोकसेवक नंदकिशोर देशमुख यांनी तक्रारदाराकडे केली होती.
तक्रारदाराने केलेल्या तक्रारीच्या पडताळणीत कामगार विभागाच्या उपसंचालकाने १७ हजार रुपये लाचेची मागणी केल्याचे आढळून आले. शल्यचिकित्सकाकडून १७ हजार रुपयांची लाच घेताना सातारा लाचलुचपत प्रतिबंधक विभागाने कामगार उपसंचालकाला सापळा रचून रंगेहात पकडले. याप्रकरणी पोलीस ठाण्यात गुन्हा दाखल करण्याची कार्यवाही रात्री उशिरापर्यंत सुरू होती.
0 Comments
ही कोणत्याही सरकारी योजनेची अधिकृत वेबसाईट नाही. किंवा कोणत्याही शासनाशी संबंधित नाही. कृपया याला official website म्हणून मानू नका आणि खाली कमेंट मधे आपला संपर्क क्रमांक अथवा मोबाईल क्रमांक यासारखी कोणतीही वैयक्तिक माहिती सोडू नका. आम्ही कोणत्याही योजने संदर्भातील तक्रारींवर लक्ष देवू शकत नाही. आम्ही आमच्या सर्व अभ्यागतांना संबंधित तक्रारी, योजनेबाबतच्या चौकशी किंवा संकेतस्थळावर प्रकाशित केलेल्या माहितीसाठी संबंधित विभागाच्या अधिकृत संकेतस्थळावर किंवा संबंधित अधिकाऱ्यांना भेट देऊन खात्री करावी अशी विनंती करीत आहोत . धन्यवाद!